Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 437 Hüküm no: 461 Orijinal metin no: [105a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan’ın Vartan’da iddia ettiği alacağını daha önceden tahsil ettiği Ma‘rûz Derûn-ı arzuhâlde mezkûrü’l-ism sâhib-i arzuhâl Vartan zimmî muvâcehesinde merkūm Vartan zimmetinde ber-mûceb-i cihet-i karzdan zimmetinde yetmiş guruş hakkım olmağla taleb ederim deyü da‘vâ eyledikde ol dahi meblağ-ı mezbûr cihet-i merkūmeden zimmetinde deyni olduğunu ikrâr lâkin meblağ-ı mezbûr bin yüz otuz dokuz Rebî‘ülâhiri’nin yirmi sekizinci günü kendiye tamamen edâ ve teslîm etmişidim deyü def‘ ve def‘-i mezkûrun müdde‘î-i mezbûr Hasan muvâcehesinde şuhûd-ı udûlle vech-i şer‘î üzere isbât etmeğin mûcebince müdde‘î-i mezbûr bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 15 Safer sene [1]143.