Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 438 Hüküm no: 463 Orijinal metin no: [105a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in amcası aleyhine açtığı davayı delillendiremediği Ma‘rûz. Sâhib-i arzuhâl Mehmed meclis-i şer‘de derûn-ı arzuhâlde mezkûrü’l-ism li-ebeveyn ammisi el-Hâc Mehmed muvâcehesinde ben diyâr-ı âharda bulunmamla mezbûr el-Hâc Mehmed hasren vârisleri olduğum babam müteveffâ Mahmud ile li-ebeveyn er karındaşım Hüseyin’in tereke-i ma‘lûmelerini ahz u kabz ve vaz‘-ı yed etmekle bi’l-verâse taleb ederim deyü da‘vâ eyledikde ol dahi müdde‘î-i mezbûr ber-vech-i muharrer müteveffiyân-ı mezbûrânın hasren vârisi olduğun ikrâr lâkin müteveffiyân-ı mezbûrânın terekelerine vaz‘-ı yedini inkâr etmeğin müdde‘î-i mezbûr müdde‘âsını bir vechile beyâna kādir olmayıp talebiyle mezbûr el-Hâc Mehmed tahlîf-i şer‘î ile ba‘de’t-tahlîf mûcebince müdde‘î-i mezbûr bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 2 Safer sene [1]143.