Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 438 Hüküm no: 464 Orijinal metin no: [105a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Sinan Vakfı’nın mütevelliliğine Mehmed’in tayin olunduğu Bâ-mühr-i hazret-i efendi. Ma‘rûz. İstanbul’da el-Hâc Sinan Vakfı’nın evlâdiyet ve meşrûtiyyet üzere mütevelliyesi olan Hamide Hatun vakf-ı mezbûrdan menâzil ve dekâkîne mutasarrıf olanlar hüsn-i rızâları ile âhara ferağ murâd eylediklerinde mezbûre Hamide Hatun bi-gayr-ı vech-i şer‘î izin vermeyip mutasarrıflarına gadr olmağla taraf-ı şer‘den tenbîh olundukda itâ‘at-ı şer‘î dahi etmemekle vakf-ı mezbûra kāimmakām-ı mütevellî ta‘yîn olunmak vakfa ve müstecirlere enfa‘ ve evlâ olup istikāmet ile ma‘rûf olan Mehmed dâ‘îleri hasbî kāimmakām-ı mütevellî nasb ve ta‘yîn olunmak bâbında. Fermân hazret-i veliyyü’l-emrindir. Fî-gurreti Rebî‘ülevvel sene [1]143.