Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 439 Hüküm no: 466 Orijinal metin no: [105b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andon Reis ile Mehmed Efendi’nin aralarında yapağı nakli konusunda olan davalarında sulh oldukları Ma‘rûz. İbrahim Çavuş kulları mübâşeretiyle ihzâr-ı şer‘ olunan sefîne reislerinden derûn-ı arzuhâlde ismi mastûr Andon nâm zimmînin hasmı sâhib-i arzuhâl Mehmed Efendi meclis-i şer‘de mezbûr Andon Reis’in sefînesine İsmail nâm mahalde n İstanbul’a nakil için bin sekiz yüz vakıyye yapağı vaz‘ edip zikrolunan yapağının üç yüz vakıyyesini bana teslîm bâkī bin beş yüz vakıyyesi furtunaya müsâdif olup deryâya ilkā olundu demekle beynimizde ba‘de’n-nizâ‘ vesâtet-i muslihûn ile ben müdde‘âm olan bin beş yüz vakıyye yapağı da‘vâsından fâriğ olduğumda ol dahi benden müdde‘âsı olan üç bin akçe navl-ı sefîne da‘vâsından fâriğ olup husûs-ı mezkûra müte‘allika âmme-i da‘vâdan her birimiz âharın zimmetini ibrâ ve kat‘-ı nizâ‘ eyledik deyü ikrârları ba‘de’t-tescîl mübâşirleri iltimâsıyla huzûr-ı âlîlerine i‘lâm olundu. Fî 3 Rebî‘ülevvel sene [1]143.