Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 441 Hüküm no: 471 Orijinal metin no: [105b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sultan Bayezid Camii müezzini Ali Çelebi’nin kefalet dolayısıyla Minase Hatun üzerine açtığı davada şahit gösteremediği Bâ-mühr-i hazret-i efendi. Ma‘rûz. Derûn-ı arzuhâlde mastûrü’l-ism müteveffâ Osman Efendi b. Ömer’in vasîsi olan Sultan Bayezid Câmi‘i müezzini Ali Çelebi b. Mustafa dîvân-ı âlîlerinde ma‘kūd meclis-i şer‘de arzuhâl eden Minase nâm hatun muvâcehesinde mezbûrenin oğlu olup vefât eden Abdullah Efendi b. Müslim b. Abdullah’ın gāib ani’l-meclis Manuk nâm zimmîye karzdan olan üç yüz beş guruş deynine merkūm Osman Efendi emriyle kefîl oldukdan sonra merkūm Manuk zimmî meblağ-ı merkūmu kefâletine binâen merkūm Osman Efendi’den ba‘de’l-murâfa‘a ahz u kabz etmekle ben dahi Abdullah Efendi’nin terekesinden bi’l-vesâye taleb ederim deyü da‘vâ ve müdde‘âsına bir şâhid ikāmet edip şâhid-i âhar için istimhâl etmekle mehl-i şer‘î ile bi’d-defa‘ât imhâl olunup her def‘ada müddet-i mehl tamam olup şâhid-i âhar ikāmetine kādir olamayıp tahlîfe dahi taleb olmamağla ve ikāmet eylediği şâhidi dahi ta‘dîl ve tezkiye olunmamağla merkūm vasî Müezzin Ali bi-gayr-ı vech-i şer‘î merkūme Minase Hatun’a mu‘ârazadan men‘ olunduğu huzûr-ı âlîlerine i‘lâm olundu. Fî 3 Rebî‘ülevvel sene [1]143.