Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 595 Hüküm no: 932 Orijinal metin no: [76a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin’in kendisine küfreden Bogos’u affettiği Ma‘rûz; Medîne-i Üsküdar’da Kefçe mahallesinde sâkin Mehmed Emin b. İbrahim mahfil-i bâbda meclis-i şer‘-i hatîrde Bogos v. Bogos zimmî muvâcehesinde merkūm Bogos zimmî târih-i i‘lâm günü ba‘de’z-zuhr Gülfam Câmi‘-i şerîfi içinde bana bi’l-muvâcehe telbîs ve eşirrâ deyü şetm ve ırzımı hetk etmekle mûcib-i şer‘îsini taleb ederim deyü eylediği da‘vâsından bâ-tavassut-ı muslihîn meccânen fâriğ olup hakk-ı ta‘zîrine müte‘allika âmme-i de‘âvîden merkūm Bogos zimmînin zimmetini ibrâ ve ıskāt ol dahi ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 10 min-Ra sene 1206