Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 594 Hüküm no: 931 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Hasan’a oturduğu evin biriken kirasını ödeyip vakti gelince boşaltması konusunda tenbihte bulunulduğu Ma‘rûz; Medîne-i Üsküdar’da Hasanağa mahallesinde sâkin Bostanî Mehmed Emin b. Ahmed medîne-i mezbûrede mahfil-i bâbda meclis-i şer‘-i hatîrde Mustafa b. Hasan mahzarında mezbûr Mustafa mahalle-i mezbûrede vâki‘ ma‘lûmü’l-hudûd ve’l-müştemilât bir bâb menzilimde beher şehr yüzer para ücret kavliyle târih-i i‘lâm senesi Saferi’l-hayr’ı gāyetine gelince dokuz ay müsteciren sâkin olmağla şühûr-ı mezkûrede zimmetinde müctemi‘ olan ücret-i mezkûreden yirmi iki buçuk guruş hakkımın dört guruşunu yedinden ahz ü kabz ve on sekiz buçuk guruşu bâkī zimmetinde kalmağla meblağ-ı bâkī-i merkūm ile târih-i i‘lâm şehri gāyetinde menzil-i mezkûru tahliye ve bana teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on sekiz buçuk guruşun edâsıyla ba‘de’l-ilzâm menzil-i mezkûru gāyet-i şehr-i merkūmda tahliye ve müdde‘î-i mezbûr Bostanî Mehmed Emin Ağa’ya teslîme mezbûr Mustafa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 10 min-Ra sene 1206