Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 597 Hüküm no: 938 Orijinal metin no: [76b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hancı Mehmed b. İbrahim’in borcunu ödemesi Ma‘rûz; Medîne-i Üsküdar’da Büyük İskele kurbünde sâkin Arpacı es-Seyyid Bekir b. Veliyüddin medîne-i mezbûrede meclis-i şer‘-i hatîrde hancı es-Seyyid Mehmed b. İbrahim mahzarında hâlâ dâmâdım gāib ani’l-beled Mehmed b. Bayram [nâm] kimesnenin mezbûr es-Seyyid Mehmed zimmetinde keyl ve fiyâtı beynlerinde ma‘lûm arpa semeninden yüz guruş alacak hakkı olup târih-i i‘lâmdan üç ay mukaddem üçümüz bir meclisde iken dâmâdım gāib-i mezbûr beni meblağ-ı merkūm yüz guruş ile mezbûr es-Seyyid Mehmed üzerine havâle-i mutlaka ile havâle eylediğinde ol dahi havâle-i mezkûreyi kabûl etmekle meblağ-ı merkūm yüz guruşu bi-hükmi’l-havâle mezbûr es-Seyyid Mehmed’den hâlâ taleb ederim deyü ba‘de’d-da‘vâ ve’l-istintâk mezbûr es-Seyyid Mehmed cevâbında fi’l-hakīka gāib-i merkūma cihet-i mezkûreden ol-mikdâr deyni [olduğunu] ikrâr lâkin gāib-i mezbûrun ber-vech-i muharrer havâlesini inkâr etmeğin müdde‘î-i mezbûr ber-vech-i muharrer müdde‘âsını es-Seyyid Abdullah b. Mehmed ve diğer Abdullah b. Ebûbekir nâm kimesneler şehâdetleriyle isbât etmeğin mûcebiyle meblağ-ı merkūm yüz guruşu bi-hükmi’l-kefâle müdde‘î-i mezbûra edâya mezbûr es-Seyyid Mehmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 16 min-Ra sene 1206