Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 597 Hüküm no: 937 Orijinal metin no: [76b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid İsmail b. Mehmed’in borcunu ödemesi Ma‘rûz; Medîne-i Üsküdar’a tâbi‘ Nerdubânlı karyesi sükkânından Ali b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde es-Seyyid İsmail b. Mehmed nâm kimesne mahzarında mezbûr es-Seyyid İsmail târih-i i‘lâmdan yedi sene mukaddem yedimden iktirâz ve kabz ve umûruna sarfla istihlâk eylediği yirmi guruş zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yirmi guruşun edâsıyla mezbûr es-Seyyid İsmail şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 14 min-Ra sene 1206