Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 607 Hüküm no: 957 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Cafer’in borcunu ödemesi Ma‘rûz; Askerî tâifesinden olup medîne-i Üsküdar’da handa misâfiren sâkin Ali b. Mehmed medîne-i mezbûrede mahfil-i bâbda meclis-i şer‘-i hatîrde Mehmed b. Cafer mahzarında mezbûr Mehmed târih-i i‘lâmdan beş sene mukaddem Mısr-ı Kāhire İskenderiyesi’nde yedimden istidâne ve kabz ve kendi umûruna sarfla istihlâk eylediği on iki guruş hakkım mezbûr Mehmed zimmetinde kalmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz edip talebiyle mezbûr Mehmed’e yemîn teklif olundukda nükûlüyle sâbit olmağın mûcebiyle meblağ-ı merkūm on iki guruşu müdde‘î-i mezbûr Ali’ye edâya mezbûr Mehmed’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 27 min-Ra sene 1206