Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 615 Hüküm no: 972 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Mustafa’nın Hatice bt. Osman’dan evlenme vaadiyle aldığı altınları iade etmesi Ma‘rûz; Medîne-i Üsküdar’da Bulgurlu mahallesinde sâkine ve zâtı mu‘arrefe Hadice bt. Osman mahfil-i bâbda meclis-i şer‘-i hatîrde İbrahim [b.] Mustafa mahzarında mezbûr İbrahim târih-i i‘lâmdan iki ay mukaddem seni nefsime akd ü nikâh ederim deyü mahmiye-i İslâmbol’da Langa Yenikapısı kurbünde menziline götürüp beheri beşer buçuk guruş kıymetli on aded İslâmbol zincirlisi altunum ile beş guruş kıymetli sîm zincir ve üç aded rub‘iye ki cem‘an altmış üç buçuk guruş on para kıymetli altunlarımı boynumdan fuzûlî ahz etmekle hâlâ taleb ederim deyü da‘vâ, mezbûr İbrahim cevâbında ancak otuz dört buçuk guruş kıymetli altı aded zincirli altunu ile bir buçuk guruş kıymetli sîm zincirini ahzını ikrâr, ziyâde müdde‘âsı olan yirmi dokuz guruş on parayı ba‘de’l-inkâr müdde‘iye-i mezbûre ber-vech-i muharrer ziyâde müdde‘âsını beyâna ba‘de’l-havâle mezbûr İbrahim mukırr u mu‘terif olduğu otuz dört buçuk guruşun müdde‘iye-i mezbûre Hadice’ye edâsıyla mezbûr İbrahim ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-Ra sene 1206