Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 625 Hüküm no: 991 Orijinal metin no: [80b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Meryem Hanım’ın küçük oğlu Hüseyin’in veba hastalığından öldüğü Ma‘rûz; Medîne-i Üsküdar’da Solaksinan mahallesinde sâkin Hüseyin b. Mehmed nâm sagīrin vâlidesi mu‘arrefetü’z-zât Meryem bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde İsmail b. Osman nâm kimesne muvâcehesinde mezbûr İsmail’in oğlu gāib ani’l-meclis Mehmed nâm sagīr târih-i i‘lâmdan yirmi gün mukaddem medîne-i Üsküdar’da vâki‘ Karaahmed Zâviyesi önünde bi-gayrı hakkın eliyle oğlum mezbûr Hüseyin’in başına darb eylediği mesmû‘um olup lâkin oğlum mezbûr bir gün mürûrunda illet-i vebâdan hasta olmağla mûcib-i şer‘îsini babası mezbûr İsmail’den bi’l-velâye taleb ederim deyü eylediği da‘vâsından bâ-tavassut-ı muslihîn meccânen fâriğa olup zikr olunan darba ve mâ-yuhdesü minhe müte‘allika âmme-i de‘âvîden sagīr-i mezbûr Mehmed ile babası mezbûr İsmail’in zimmetlerini ibrâ ve ıskāt eylediğinde ol dahi ber-vech-i muharrer asâleten ve velâyeten ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 5 min-R sene 1206