Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 629 Hüküm no: 998 Orijinal metin no: [81a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Mustafa b. Mustafa’nın borcunu ödemesi Ma‘rûz; Medîne-i Üsküdar’da Davudpaşa mahallesinde sâkin Kahveci Mehmed Emin Ağa b. Süleyman mahfil-i bâbda meclis-i şer‘-i hatîrde Kahveci Mustafa b. Mustafa mahzarında mezbûr Mustafa bundan akdem yedimden iştirâ ve kabz eylediği kıyye ve fiyâtı beynimizde ma‘lûm kahve semeninden ba‘de-külli’l-hesâb elli üç guruş yirmi dört para zimmetinde hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm elli üç guruş yirmi dört paranın edâsıyla mezbûr Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 10 min-R sene 1206