Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 637 Hüküm no: 1014 Orijinal metin no: [82b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih Beşe’nin yeniden inşa edeceği kenifin komşusuna zarar vermemesi Ma‘rûz; Medîne-i Üsküdar’da Küçükhamam karşısında mütemekkin Kasab Yani v. Dimitri nâm zimmî medîne-i mezbûrede mahfil-i bâbda meclis-i şer‘-i hatîrde câr-ı mülâsıkı Manav Salih Beşe b. Hüseyin nâm kimesne mahzarında mezbûr Salih Beşe hâlâ müsteciren sâkin olduğu dükkânında müceddeden bir kenîf ihdâs ve çirkâbını benim taht-ı icâremde olan kasab dükkânının tahtından lağım ihdâs ile kebîr lağıma icrâ murâd etmekle suâl olunup mazarratı def‘ u men olunmak murâdımdır deyü da‘vâ eyledikde ol dahi ikrâr ü i‘tirâf etmeğin mûcebiyle ber-vech-i muharrer ihdâs eyleyeceği kenîfile câr-ı mülâsıkı müdde‘î-i merkūm Yani zimmîye ızrâr etmemek üzere mezbûr Salih Beşe’ye tenbîh olunduğu bi’l-iltimâs huzûr-ı âlîlerine i‘lâm olundu. Fî 15 min-şehri R sene 1206