Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 644 Hüküm no: 1028 Orijinal metin no: [84a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Reis’in Hüseyin Beşe hakkında açtığı davaya itibar edilmediği Ma‘rûz; Medîne-i Üsküdar muzâfâtından Kartal nâhiyesi sükkânından Hasan Reis b. Hüseyin nâm kimesne medîne-i mezbûrede mahfil-i bâbda meclis-i şer‘-i hatîrde Hüseyin Beşe b. Mehmed nâm kimesne mahzarında gāib ani’l-meclis Mehmed Ağa nâm kimesne yedimden iştirâ ve kabz eylediği keyl ve fiyâtı beynimizde ma‘lûm hınta semeninden yüz seksen iki guruş otuz para hakkımın yüz kırk guruşunu bi’d-defa‘ât gāib-i mezbûr yedinden ahz ve zimmetinde kırk iki guruş otuz para hakkım bâkī kalıp lâkin mezbûr Hüseyin Beşe gāib-i mezbûrun mücerred sefînesiyle İslâmbol’a hatab nakletmekle kefîl olmaksızın meblağ-ı merkūm kırk iki guruş otuz parayı mezbûr Hüseyin Beşe’den taleb ederim deyü takrîri üzere tasaddî eylediği da‘vâsından mezbûr Hüseyin Beşe’ye suâl dahi teveccüh eylemediği bi’l-iltimâs huzûr-ı âlîlerine i‘lâm olundu. Fî 8 min-R sene 1206