Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 650 Hüküm no: 1039 Orijinal metin no: [84b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin borcunu ödemesi Ma‘rûz; Medîne-i Üsküdar’da Bülbülderesi’nde Bakkāl Apostol v. Draso nâm zimmî medîne-i mezbûrede mahfil-i bâbda meclis-i şer‘-i hatîrde Kasab Mehmed Beşe b. Mustafa mahzarında mezbûr Mehmed Beşe bin iki yüz üç senesi şehr-i Rebî‘ülevvelin on üçüncü günü yedime i‘tâ eylediği bir kıt‘a temessük mantûkunca yedimden istidâne ve kabz eylediği kırk üç guruş hakkımın bir guruşunu yedinden ahz ve kırk iki guruşu mezbûr Mehmed zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm kırk iki guruşu müdde‘î-i merkūm Apostol zimmîye edâsıyla mezbûr Mehmed Beşe şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 27 min-R sene 1206