Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 447 Hüküm no: 483 Orijinal metin no: [107a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Mehmed’in alacak davasının daha önceden karara bağlandığı Ma‘rûz. Derûn-ı arzuhâlde mastûrü’l-ism es-Seyyid Mehmed’in vekîl-i şer‘îsi es-Seyyid Abdullah meclis-i şer‘de derûn-ı i‘lâmda mastûrü’l-ism Anton ve Markas ve Agop ve Manuk nâm zimmîler muvâcehelerinde bundan akdem işbu arzuhâl kenarında olan i‘lâm mantûkunca fasl-ı hasm ve mu‘ârazadan men‘ olunan iki yüz otuz sekiz guruş da‘vâsına tekrar tasaddî edip lâkin bir def‘a şer‘le fasl ve hükmolunan da‘vânın tekrar istimâ‘ı câiz olmamağla ber-mûceb-i i‘lâm-ı şer‘î merkūm es-Seyyid Abdullah bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 8 Rebî‘ülevvel sene [1]143.