Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 448 Hüküm no: 485 Orijinal metin no: [107a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aleksandra bt. Kosta’nın iddia ettiği evi babası Kosta’nın sağlığında Yorgaki’ye sattığının hüccetle sabit olduğu Bâ-mühr-i hazret-i efendi. Ma‘rûz. Arzuhâl eden Aleksandra Nasrâniye derûn-ı arzuhâlde ismi merkūm Yorgaki zimmîden Haslar kazâsına tâbi‘ İstefanos karyesinde babası Kosta nâm hâlikden mevrûs olmak üzere müdde‘âsı olan ma‘lûmü’l-hudûd menzili bundan akdem bir def‘a dahi Haslar kazâsında nâibü’ş-şer‘ olan Hüseyin Efendi huzûrunda merkūm Yorgaki’den da‘vâ ol dahi yedinde olan mübâya‘a hücceti mantûkunca babası hayâtında üç yüz elli guruş semen-i makbûza kendiye bey‘ini ba‘de’l-isbât yedine hüccet-i şer‘iyye verilmekle tekrar mazmûn-ı hücceti huzûr-ı âlîlerine ma‘kūd meclis-i şer‘de merkūm Aleksandra muvâcehesinde es-Seyyid Ahmed b. es-Seyyid Abdürrahim ve İbrahim b. Ömer nâm kimesneler şehâdetleriyle vech-i şer‘î üzere isbât etmekle merkūm Aleksandra Nasrâniye ber-mûceb-i hüccet-i şer‘iyye mu‘ârazadan men‘ olunduğu huzûr-ı âlîlerine i‘lâm olundu. Fî 8 Rebî‘ülevvel sene [1]143.