Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 448 Hüküm no: 486 Orijinal metin no: [107b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rus asıllı Hasan’ın Ebûbekir Ağa’nın kölesi olduğu Vilâyet-i Anadolu’da Karapazar kazâsına tâbi‘ Karaağaç nâm karye sükkânından Ebûbekir Ağa b. Süleyman b. el-Hâc Ebûbekir tarafından vekîl olduğu Mustafa b. Receb ve Mehmed b. Mustafa şehâdetleriyle sâbit olan Mehmed Bey b. Ahmed meclis-i şer‘de Mumcu İsmail Beşe mübâşeretiyle Bâb Mahkemesi’ne ihzâr olunan işbu orta boylu, elâ gözlü, açık kaşlı Rusiyyü’l-asl Hasan muvâcehesinde mezbûr Hasan müvekkil-i mezbûrun abd-i memlûkü olup târih-i i‘lâmdan iki ay mukaddem firâr etmekle su‘âl olunup rıkka inkıyâd etmek üzere tenbîh olunması bi’l-vekâle matlûbumdur deyü da‘vâ eyledikde mevsûf-i mezbûr Hasan dahi müvekkil-i mezbûr Ebûbekir Ağa’nın abd-i memlûkü olduğunu ikrâr u i‘tirâf etmeğin mûcebince rıkka inkıyâd etmek üzere mevsûf-i mezbûr Hasan’a tenbîh olunduğu tescîl ve bi’l-iltimâs huzûr-ı âlîlerine i‘lâm olundu. Fî 9 Rebî‘ülevvel sene [1]143.