Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 455 Hüküm no: 499 Orijinal metin no: [109a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dimo v. Nikola’nın elinde bulunan bargirin Liko v. Nikola’ya ait olduğu Ma‘rûz. Mumcu İsmail Beşe mübâşeretiyle ihzâr-ı şer‘ olunan Dimo v. Nikola’dan hasmı duvarcı tâifesinden Liko v. Nikola nâm zimmî meclis-i şer‘de mezbûr Dimo yedinde işbu bir re’s kır bârgir, yedimde mülküm iken târih-i i‘lâmdan on gün mukaddem yedimden zâyi‘ olmağla hâlâ mezbûrun yedinde buldum istihkāk taleb ederim deyü da‘vâ ol dahi cevâbında yedi gün mukaddem gāib ani’l-meclis Nikola nâm zimmîden dokuz buçuk guruş semen-i medfû‘-ı makbûza iştirâ eyledim deyip müdde‘î-i mezbûrun mülkü olduğu ma‘lûmum değildir deyü inkâr edicek müdde‘î-i mezbûr müdde‘âsını vech-i şer‘î üzere isbât etmeğin ba‘de’t-tahlîfü’ş-şer‘î mûcebince zikrolunan bârgirden kasr-ı yed ve müdde‘î-i mezbûra teslîme tenbîh olunduğu bi’l-iltimâs huzûr-ı âlîlerine i‘lâm olundu. Fî 26 Rebî‘ülevvel sene [1]143.