Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 457 Hüküm no: 505 Orijinal metin no: [109b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sandalcı ve kuşakçı esnafının kethüdaları Abdullah’tan memnun oldukları Ma‘rûz. İstanbul’da vâki‘ sandalcı ve kuşakçı hırfetlerinden müseccelü’l-esâmî elli nefer Müslimîn ile kırk beş nefer zimmî meclis-i şer‘de derûn-ı derkenârda zikrolunduğu vech üzere bâ-mukābele-i nân kethüdâları olan sâhib-i arzuhâl Abdullah mahzarında mezbûr Abdullah cümlemizin mu‘temed ve muhtârı olmağla bundan akdem ber-vech-i muharrer üzerimize kethüdâ nasb ve ihtiyâr olmuş idi hâlâ yine mezbûr Abdullah’dan bi’l-cümle şükrân üzere olmamız ile kethüdâlık-ı mezbûr yine kendiye ibkā ve mukarrer buyrulmak ricâsında oldukları bi’l-iltimâs huzûr-ı âlîlerine i‘lâm olundu. Fermân hazret-i veliyyü’l-emrindir. Fî 6 Rebî‘ülâhir sene [1]143.