Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 458 Hüküm no: 506 Orijinal metin no: [109b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mustafa’nın ipekçi ve gaytancı esnafının kethüdası tayin olunduğu Bâ-mühr-i hazret-i efendi. Ma‘rûz. Arzuhâl eden Bedestân-ı atîk kurbünde vâki‘ ipekçi ve gaytancı hırfetinden ma‘lûmü’l-esâmî cemm-i gafîr Müslimîn ve cem‘-i kesîr ehl-i zimmet re‘âyâ ve Yahud meclis-i şer‘de bâ-berât-ı âlîşân sâbıkā kethüdâları olan Mehmed nâm mühtedî hırfetimiz erbâbından olmayıp umûrumuza ıttılâ‘ı olmamağla her bâr bizi rencîde ve ta‘cîzden hâli olmamağın bâ-fermân-ı âlî ref‘ ve kaydı terkīn ve hırfetimiz erbâbı ihtiyârlardan işbu Ali b. Mustafa her vechile beynimizde olan umûrumuza ıttılâ‘-ı tammı olmağla nizâm-ı hâlimiz için kıbel-i şer‘den üzerimize kethüdâ nasb ve ta‘yîn olunmak matlûbumuzdur dediklerinde hırfet-i mezkûrenin ber-vech-i muharrer nizâm-ı hâlleri’çün iltimâslarıyla muhtârları olan mezbûr Ali kıbel-i şer‘den üzerlerine kethüdâ nasb ve ta‘yîn olundukda ol dahi kabûl ve yedine hüccet verildiği huzûr-ı âlîlerine i‘lâm olundu. Fî 6 Rebî‘ülâhir sene [1]143.