Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 461 Hüküm no: 514 Orijinal metin no: [110b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Azat ettiği kölesini serbest bırakması için Murad’a tenbih olunduğu Ma‘rûz. Dîvân-ı âlî çavuşlarından Mehmed Çavuş mübâşeretiyle Bâb Mahkemesi’ne ihzâr-ı şer‘ olunan Murad’ın hasmı ve bundan akdem abd-i memlûkü olduğunu mu‘terif ve kıbel-i şer‘den me’zûn bi’d-da‘vâ olan işbu uzun boylu, açık kaşlı, elâ gözlü Rusiyyü’l-asl Müslimetü’l-mille Ahmed b. Abdullah meclis-i şer‘de mezbûr Murad târih-i i‘lâm senesi Saferi’l-hayrı’nın on beşinci günü lede’ş-şuhûd beni mâlından tahrîr ve i‘tâk etmişiken hâlâ bana rık olmak üzere vaz‘-ı yed eder deyü ba‘de’d-da‘vâ ve’l-inkâr mevsûf-i mezbûr Ahmed müdde‘âsını şuhûd-ı udûl ile mevlâsı mezbûr Murad muvâcehesinde vech-i şer‘î üzere isbât etmeğin mûcebince mevsûf-i mezbûrun ıtkına hüküm ve merkūm Murad’ın mevsûf-ı mezbûrdan kasr-ı yedine tenbîh olunduğu bi’l-iltimâs huzûr-ı âlîlerine i‘lâm olundu. Fî 11 Rebî‘ülâhir sene [1]143.