Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 467 Hüküm no: 527 Orijinal metin no: [111b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice Hatun ile Esirci el-Hâc Mehmed’in aralarında esir davasında sulh oldukları Ma‘rûz. Sâhibe-i arzuhâl Hadice Hatun meclis-i şer‘de derûn-ı arzuhâlde mezkûrü’l-ism hasmı Esîrci el-Hâc Mehmed ile derûn-ı arzuhâlde mezkûr esîr da‘vâsından kırk beş guruş bedel-i makbûza sulh olup husûs-ı mezkûra müte‘allika âmme-i da‘vâdan mezbûr el-Hâc Mehmed’i ibrâ ve iskāt eyledikde mezbûr el-Hâc Mehmed ile işbu hâzıratün bi’l-meclis Dellâle Emetullah Hatun dahi kezâlik bedel-i sulhe ve sâire müte‘allika âmme-i da‘vâdan merkūme Hadice’yi ibrâ ve iskāt ve kat‘-ı nizâ‘ eyledikleri tescîl ve bi’l-iltimâs huzûr-ı âlîlerine i‘lâm olundu. Fî 19 Rebî‘ülâhir sene [1]143.