Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 468 Hüküm no: 528 Orijinal metin no: [111b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdurrahman b. Ali’nin kiracılardan fazla ücret istemeyeceğini taahhüt ettiği Ma‘rûz. Sâbıkā Şeyhülislâm Abdullah Efendi hazretlerinin tasarruflarında olup merhûm Sultan Selim Hân -tâbe serâhu- Câmi‘-i şerîfi kurbünde Çukurbostan’da vâki‘ üç tabaka odalarında müşâhereten müstecirleri olan ashâb-ı arzuhâl es-Seyyid İbrahim ve es-Seyyid Ömer ve İbrahim Beşe ve sâir ma‘lûmü’l-esâmî cemm-i gafîr Müslimîn ve cem‘-i kesîr ehl-i zimmet meclis-i şer‘de mûmâ-ileyh tarafından zikrolunan icârâtı cem‘ ü tahsîl ve ahz u kabza memûr olan Abdurrahman b. Ali mahzarında kadîmü’l-eyyâmdan berü zikrolunan odaların ulyâsında vâki‘ odaların her biri yetmiş ve vustâsı seksen ve süflâsı altmış akçe icâre ile tasarrufumuzda ve ücret-i mezkûre ecr-i misli iken mezbûr Abdurrahman zikrolunan odaları ez-yed ve ifhaş icâre teklîfi ile her birimizi rencîde ve gadr murâd eder deyü ba‘de’t-teşekkî merkūm Abdurrahman dahi ba‘de’l-yevm zikrolunan icâre-i kadîmeden ez-yed ücret ile mezbûrûn müstecirleri rencîde etmemek üzere ta‘ahhüd eylediği huzûr-ı âlîlerine i‘lâm olundu. Fî 19 Rebî‘ülâhir sene [1]143.