Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 897 Hüküm no: 1524 Orijinal metin no: [127b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Veli’nin Ahmed b. Mehmed tarafından çalınan parasının kendisine teslim olunduğu Ma‘rûz Canbeyli aşîretinden olup medîne-i Üsküdar’da Boyacıoğlu Hanı’nda misâfiren sâkin es-Seyyid Veli b. el-Hâc Ali mahfil-i Bâb’da meclis-i şer‘-i hatîrde Tire kazâsında Sarıtekeli sâkinlerinden olup Hüseyin Ağa hizmetkârı Ahmed b. Mehmed mahzarında mezbûr Ahmed târih-i i‘lâmdan üç gün mukaddem hân-ı mezkûrun mukaffel odasında mevcûd emlâkimden altı yüz seksen iki buçuk guruşumu ahz etmekle taleb ederim deyü da‘vâ mezkûr akçe ta‘dâd olundukda altı yüz seksen dokuz buçuk guruşa bâliğ meblağ-ı merkūm müdde‘î-i mezbûrun olup mahâll-i mezkûrdan ahzını mezbûr Ahmed ikrâr eylediğinden mâ‘adâ meblağ-ı merkūm müdde‘î-i mezbûrun mâlı olduğunu Mustafa b. el-Hâc Yusuf ve Hasan b. Bektaş ve es-Seyyid Yusuf b. Osman ve Hüseyin b. el-Hâc Ali nâm kimesnelerin şehâdetleriyle vech-i şer‘î üzere isbât etmeğin mûcibiyle meblağ-ı merkūm altı yüz seksen dokuz buçuk guruş müdde‘î-i mezbûra teslîm olunduğu bi’l-iltimâs huzûr-ı âlîlerine i‘lâm olundu. Fî 10 min-Ra sene 1207.