Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 900 Hüküm no: 1530 Orijinal metin no: [128a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Nikola’nın duvarcılık ücretinden alacağı olduğu iddiasıyla Seyyid Mustafa aleyhine açtığı davada on üç kuruşa sulh olduğu Ma‘rûz Duvarcı tâifesinden Nikola v. Andreya zimmî medîne-i Üsküdar’da mahfil-i Bâb’da meclis-i şer‘-i hatîrde es-Seyyid Mustafa b. Osman mahzarında mezbûr es-Seyyid Mustafa zimmetinde duvarcılık ücretinden yirmi üç guruş hakkım olmağla taleb ederim deyü eylediği da‘vâsından bâ-tavassut-ı muslihîn on üç guruş bedel-i makbûza mezbûr es-Seyyid Mustafa ile sulh olup ziyâde müdde‘âsına ve bi’l-cümle husûs-ı mezkûra müte‘allika âmme-i de‘âvîden mezbûr es-Seyyid Mustafa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 15 min-Ra sene 1207.