Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 901 Hüküm no: 1533 Orijinal metin no: [128b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İshak b. İbrahim’in kendisini döven Midillici Mehmed’e açtığı davada iddiasını ispat edemediği Ma‘rûz Medîne-i Üsküdar’da Selmanağa mahallesinde sâkin İshak b. İbrahim nâm sagīr-i mümeyyiz medîne-i mezbûrede mahfil-i meclis-i şer‘-i hatîrde Midillici Mehmed b. Halil nâm kimesne mahzarında mezbûr Mehmed târih-i i‘lâmdan dört gün mukaddem medîne-i mezbûrede Büyük İskele’de beni bi-gayrı hakkın değnek ile arkama ve sâir mahallerime darb ve hetk-i ırz etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle bi’t-taleb mezbûr Mehmed gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 14 min-S sene 1207.