Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 901 Hüküm no: 1534 Orijinal metin no: [128b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed’in ortağı olduğu harman yerinin diğer yarısını kendisine devretmesi için mutasarrıfı Salih’e açtığı davanın yasal olmadığı Ma‘rûz Medîne-i Üsküdar’a muzâfe Yoros nâhiyesine tâbi‘ Ömerli karyesinde sâkin es-Seyyid Mehmed b. Ali b. Abdulkadir nâm kimesne medîne-i mezbûrede mahfil-i Bâb’da meclis-i şer‘-i hatîrde Salih b. Mustafa mahzarında karye-i mezbûrede vâki‘ lede’l-ahâli ve’l-cîrân ma‘lûmü’l-hudûd bir kıt‘a harman yeri bundan akdem vefât eden ceddim mezbûr Abdulkadir’den babam mezbûr Ali ile li-ebeveyn ammim Kara Hüseyin nâm kimesneye münâsafeten intikāl ve babam mezbûr Ali dahi vefât edip nısf harman yeri müstakıllen benim tasarrufumda iken ammim mezbûr Kara Hüseyin sâlifü’z-zikr nısf harman yerini bâ-ma‘rifet-i sâhib-i arz mezbûr Salih’e ferâğ ve tefvîz etmekle ben müşterik olduğuma binânen nısf harman yerini bana ferâğ ile keff-i yed eylesin deyü takrîr-i meşrûhu üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 13 min-Ra sene 1207.