Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 901 Hüküm no: 1535 Orijinal metin no: [128b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. İbrahim’in eski kocasından alacağı olduğu Ma‘rûz Medîne-i Üsküdar’da Kefçe mahallesinde sâkine mu‘arrefetü’z-zât Hadice bt. İbrahim nâm hatun meclis-i şer‘-i hatîred zevc-i mutallıkı el-Hâc Mehmed Said b. Halil mahzarında ben on dokuz guruş mehr-i müeccel tesmiyesiyle mezbûr el-Hâc Mehmed Said’in zevce-i medhûlün-bihâsı iken bundan akdem beni tatlîk etmekle mezbûrun firâşından hâsıl hâlâ hamlim olmağla ancak mezbûrun zimmetinde mütekarrir ve ma‘kūdün-aleyh olan sâlifü’z-zikr on dokuz guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı mehr-i müeccel-i merkūm on dokuz guruşun müdde‘iye-i mezbûreye edâsıyla mezbûr el-Hâc Mehmed Said şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-Ra sene 1207.