Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 903 Hüküm no: 1538 Orijinal metin no: [128b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müderris İbrahim Efendi’nin alacağını ödemesi için Ahmed b. Mustafa’ya iki ay süre verdiği Ma‘rûz Mahmiye-i İslâmbol’da Kirmasti mahallesi sükkânından müderrisîn-i kirâmdan İbrahim Efendi b. Haydar Efendi tarafından vekîl-i müsecceli Süleyman Efendi b. Ali medîne-i Üsküdar’da mahfil-i Bâb’da meclis-i şer‘-i hatîrde Ahmed b. Mustafa mahzarında mezbûr Ahmed târih-i i‘lâmdan üç sene mukaddem müvekkilim mûmâ-ileyh yedinden bi-tarîki’l-karz istidâne ve kabz ve umûruna sarfla istihlâk eylediği altmış guruşun otuz guruşunu edâ ve otuz guruşu zimmetinde bâkī kalmağla bi’l-vekâle taleb ederim deyü da‘vâ ol dahi ikrâr u i‘tirâf edip lâkin def‘aten edâya iktidârı olmayıp tecîle tâlib olmağla vekîl-i mezbûr dahi târih-i i‘lâmdan iki ay tamamında edâ etmek üzere bi’t-taleb mezbûr Ahmed’i tecîl eylediğinde ol dahi ber-vech-i muharrer müeccelen edâya ta‘ahhüd edip kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî-selhi Z sene 1206.