Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 918 Hüküm no: 1567 Orijinal metin no: [131b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in alacağı olduğu Ma‘rûz Medîne-i Üsküdar’da tâbi‘ Çenger karyesinde sâkin Hüseyin b. Mehmed nâm kimesne medîne-i mezbûrede mahfil-i Bâb’da meclis-i şer‘-i hatîrde Mehmed b. Ahmed mahzarında mezbûr Mehmed târih-i i‘lâmdan altı sene mukaddem yedimden iktirâz ve kabz ve umûruna sarfla istihlâk eylediği on iki guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr alâ mûcibi ikrârihî meblağ-ı merkūm on iki guruşu müdde‘î-i mezbûra edâ ve teslîme mezbûr Mehmed’e şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-R sene 1207.