Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 918 Hüküm no: 1568 Orijinal metin no: [131b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiryako v. Yorgi’nin atını sattıktan sonra bir başkasına satmasının doğru olmadığı ve ilk satışın geçerli olduğu Ma‘rûz Mahmiye-i İslâmbol’da Gümrük kurbünde mütemekkin Berdomes v. İsper nâm zimmî medîne-i Üsküdar’da mahfil-i Bâb’da meclis-i şer‘-i hatîrde Kiryako v. Yorgi nâm zimmî muvâcehesinde merkūm Kiryako zimmî târih-i i‘lâmdan bir gün mukadden emlâkinden bir re’s al bârgirini kırk iki guruş semen mukābilesinde bana bey‘ ve temlik ve teslîm ben dahi iştirâ ve tesellüm ve kabûl edip semen-i merkūm kırk iki guruşu kendiye edâ etmek üzere iken merkūm Kiryako zimmî bârgir-i merkūmu tekrar bir zimmîye dahi bey‘ edip bana teslîmden imtinâ‘ etmekle suâl olunup teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcibiyle bârgir-i merkūmu müdde‘î-i merkūma teslîme merkūm Kiryako zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî-selhi Ra sene 1207.