Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 921 Hüküm no: 1573 Orijinal metin no: [132a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Seyyid Ahmed’in talebi üzerine kiracısı Fatma’nın evini boşaltıp teslim etmeye söz verdiği Ma‘rûz Medîne-i Üsküdar’da Gülfam Hatun mahallesi sükkânından sâhib-i arzuhâl Bostanî es-Seyyid Ahmed b. es-Seyyid Hüseyin nam kimesne medîne-i mezbûrede mahfil-i Bâb’da meclis-i şer‘-i hatîrde zikri âtî menzilinde müstecire olup derûn-ı arzuhâlde ismi mezkûre mu‘arrefetü’z-zât Fatıma bt. Mehmed nâm hatun muvâcehesinde mezbûre Fatıma Hatun mahalle-i mezbûrede vâki‘ bir bâb menzilimde beher şehr yüzer para ücret ile müstecirim olup lâkin târih-i i‘lâmdan altı gün mukaddem fesh-i akd-i icâre etmemle menzil-i mezkûru tahliye ve bana teslîme mezbûre Fatıma Hatun’a tenbîh olunmak matlûbumdur deyü ba‘de’t-da‘vâ ve’l-ikrâr mûcibiyle menzil-i mezkûru tahliye ve müdde‘î-i mezbûr es-Seyyid Ahmed’e teslîme mezbûre Fatıma Hatun’a şer‘an tenbîh ve mezbûr Fatıma Hatun dahi dört gün tamamına değin menzil-i mersûmu tahliye ve müdde‘î-i mezbûra teslîme ta‘ahhüd eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 6 min R sene 1207.