Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 922 Hüküm no: 1576 Orijinal metin no: [132b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hacı Mehmed’in dükkânında kiracısı olan Kasap Seyyid Mehmed’in dükkânı boşaltıp teslim etmeye söz verdiği Ma‘rûz Medîne-i Üsküdar’da Vâlide-i Atik mahallesinde sâkine mu‘arrefetü’z-zât Âişe bt. el-Hâc Mehmed nâm hatun medîne-i mezbûrede mahfil-i Bâb’da meclis-i şer‘-i hatîrde müsteciri Kassâb es-Seyyid Mehmed b. Hüseyin mahzarından medîne-i mezbûrede Yeniçeşme’de vâki‘ lede’l-ahâli ma‘lûmü’l-hudûd bir bâb kasab dükkânımda beher şehr altmışar para ücret ile müstecirim olmağla târih-i i‘lâm şehri gāyetinde icâreyi fesh birle dükkân-ı merkūmu tahliye ve bana teslîm olunmak matlûbumdur dedikde gıbbe’s-suâl mezbûr es-Seyyid Mehmed cevâbında dükkân-ı merkūm müdde‘iye-i mezbûrenin mülkü olup ücret-i mezkûre ile müsteciri olduğunu ikrâr u i‘tirâf etmeğin mûcibiyle icâreyi fesh ve dükkân-ı merkūmu müdde‘iye-i mezbûre Âişe Hatun’a teslîme mezbûr Mehmed ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 8 min-R sene 1207.