Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 922 Hüküm no: 1575 Orijinal metin no: [132a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Dimitri’nin zahire bedelinden alacağı olduğu Ma‘rûz Medîne-i Üsküdar’da Aşcıbaşı mahallesinde mütemekkin Bakkāl Dimitri v. Panayot nâm zimmî medîne-i mezbûrede mahfil-i Bâb’da meclis-i şer‘-i hatîrde Ali Ağa b. Musa nâm kimesne mahzarında târih-i i‘lâmdan bir sene mukaddem mezbûr Ali Ağa yedimden iştirâ ve kabz eylediği zehâir semeninden ba‘de külli’l-hesâb yirmi iki guruş otuz dört para zimmetinde hakkım olmağla taleb ederim deyü ba‘de’d-da‘vâ ve’l-istintâk mezbûr Ali Ağa cevâbında müdde‘î-i merkūma cihet-i mezkûreden ancak on bir guruş on sekiz para deyni olduğunu ikrâr ziyâde on bir guruş on altı para deyni [olduğunu] ikrâr [inkâr] etmeğin müdde‘î-i merkūm ber-vech-i muharrer ziyâde müdde‘âsını isbâta kādir olamayıp talebiyle mezbûr Ali Ağa gıbbe’t-tahlîfi’ş-şer‘î mûcibiyle müdde‘î-i merkūm ziyâde müdde‘âsıyla mezbûr Ali Ağa’ya bilâ-beyyine mu‘ârazadan ba‘de’l-men‘ mezbûr Ali Ağa mukırr u mu‘terif olduğu on bir guruş on sekiz paranın müdde‘î-i merkūma edâsıyla mezbûr Ali Ağa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî-selhi M sene 1207.