Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 923 Hüküm no: 1578 Orijinal metin no: [132b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Harun v. Nikagos’un kereste bedelinden alacağı olduğu Ma‘rûz Medîne-i Üsküdar’da Balaban İskelesi’nde Keresteci Harun v. Nikagos nâm zimmî medîne-i mezbûrede mahfil-i Bâb’da meclis-i şer‘-i hatîrde Bostanî Mustafa b. Hasan mahzarında mezbûr Bostanî Mustafa târih-i i‘lâmdan iki sene mukaddem yedimden iştirâ ve kabz eylediği aded ve fiyâtı beynimizde ma‘lûm kereste semeninden altmış guruş bir rub‘ hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm altmış guruş bir rub‘u müdde‘î-i merkūma edâsıyla mezbûr Bostanî Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 8 min-R sene 1207.