Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 927 Hüküm no: 1584 Orijinal metin no: [133a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İspaso v. Dimo’yu bıçakla öldürdüğü iddiasıyla amcası Angeli tarafından Meyhaneci Sahak aleyhine açılan davada sulh oldukları Ma‘rûz Medîne-i Üsküdar’da Selami mahallesinde Bakkāl Anton zimmî dükkânında yanaşma iken ber-vech-i atî bıçak yarasıyla mecrûhan hâlik olduğu lede’l-keşf ve’l-mu‘âyene zâhir olan İspaso v. Dimo zimmînin li-ebeveyn ammisi ve hasren vârisi olan Angeli v. İstepan zimmî medîne-i mezbûrede mahfil-i Bâb’da meclis-i şer‘-i hatîrde mahalle-i mezbûrede Meygedeci Sahak v. Bahadır zimmî tarafından ber-vech-i âtî tasdîka vekili Avanis v. Agop zimmî muvâcehesinde merkūm Sahak zimmî târih-i i‘lâmdan otuz sekiz gün mukaddem mûrisim hâlik-i merkūmu mahalle-i mezbûrede tarîk-i âmda bıçak ile sol memesi üzerinden bi-gayrı hakkın darb ve cerh ve ol anda müte’essiren hâlik olmağla mûcib-i şer‘îsini bi’l-verâse taleb ederim deyü eylediği da‘vâsından bâ-tavassut-ı muslihîn an-inkâr elli guruş bedel-i makbûz mukābilesinde merkūm Sahak ile sulh olup mûrisi hâlik-i merkūmun dem diyetine müte‘allika âmme-i de‘âvîden merkūm Sahak zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 13 min-R sene 1207.