Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 473 Hüküm no: 538 Orijinal metin no: [113a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahya Efendi ile İbrahim’in alacak davasında sulh oldukları Ma‘rûz. Kapıkethüdâsı Ali Beşe mübâşeretiyle Bâb Mahkemesi’ne ihzâr olunan İbrahim’in hasmı Yahya Efendi meclis-i şer‘de merkūm İbrahim muvâcehesinde târih-i i‘lâmdan bir sene mukaddem vilâyet-i Anadolu’da Azdavay kazâsına tâbi‘ Turnalı nâm karyeye küre emîni tarafından olmak üzere mübâşir gelip bi-gayr-ı hakkın yüz elli guruşumu almışidi deyü ba‘de’d-da‘vâ ve’l-inkâr tavassut-ı muslihûn ile an-inkâr altmış guruş bedel-i makbûza sulh olup mâ‘adâya müte‘allika âmme-i da‘vâdan her biri âharı ibrâ ve iskāt edip kat‘-ı nizâ‘ ettikleri tescîl ve bi’l-iltimâs huzûr-ı âlîlerine i‘lâm olundu. Fî 27 Rebî‘ülâhir sene [1]143.