Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 472 Hüküm no: 537 Orijinal metin no: [112b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eşi Hadice Hatun’u boşayan Mustafa’nın mehri ödemesi Ma‘rûz. Ahmed Çavuş mübâşeretiyle ihzâr-ı şer‘ olunan Mustafa’nın zevcesi Hadice Hatun meclis-i şer‘de zevc-i mezbûr muvâcehesinde târih-i i‘lâmdan bir gün mukaddem bâyinen beni tatlîk etmekle zimmetinde mütekarrir ve ma‘kūdun-aleyh altı bin akçe mehr-i müeccelim ile nafaka-i iddet ve meûnet-i süknâm için bi’t-terâzî ta‘yîn olunan beş yüz akçe ki cem‘an altı bin beş yüz akçe hakkımı taleb ederim deyü da‘vâ ol dahi ikrâr u i‘tirâf etmekle mûcebince meblağ-ı mezkûru zevcesi mezbûreye edâya mezbûr Mustafa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 23 Rebî‘ülâhir sene [114]3.