Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 952 Hüküm no: 1634 Orijinal metin no: [137b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çubukçu Feyzullah’ın kiracı olarak bulunduğu çubuk dükkânını boşaltıp sahibesi Zeynep’e teslim etmeye söz verdiği Ma‘rûz Medîne-i Üsküdar’da Ahmedçelebi mahallesinde sâkine mu‘arrefetü’z-zât Zeyneb bt. Mustafa nâm hatun meclis-i şer‘-i hatîrde Çubukcu Feyzullah b. Hasan mahzarında mezbûr Feyzullah medîne-i mezbûrede Tabutcular sûkunda vâki‘ taht-ı tasarrufunda olan bir bâb çubukçu dükkânımda beher şehr ikişer guruş ücret kavliyle müstecirim olup lâkin bu esnâda dükkân-ı mezkûrun bana lüzûmu olmağla fesh-i icâre birle dükkân-ı merkūmu tahliye ve bana teslîme tenbîh olunmak matlûbumdur deyü da‘vâ eyledikde ol dahi ikrâr ve işbu târih-i i‘lâm şehri gāyetinde dükkân-ı mezkûru ber-vech-i muharrer tahliye ve müdde‘iye-i mezbûreye teslîme ta‘ahhüd edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 10 min-R sene 1207.