Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 953 Hüküm no: 1636 Orijinal metin no: [138a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Veli’nin bir miktar para ve eşya alacağı olduğu iddiasıyla aleyhine açtığı davada iddiasını ispat edemediği Ma‘rûz Medîne-i Üsküdar’da Yeniçeşme kurbünde sâkin Ahmed b. Veli mahfil-i Bâb’da meclis-i şer‘-i hatîrde İsmail b. Ömer mahzarında mezbûr İsmail târih-i i‘lâmdan altı sene mukaddem yedimden iktirâz ve kabz ve umûruna sarfla istihlâk eylediği on guruş ile emlâkimden olup bi-tarîki’l-emâne yedine vaz‘ ve teslîm eylediğim mecmû‘-ı kıymetleri beş guruşa bâliğ bir tahta sandık derûnunda mevcûd bir peşkir ve bir bıçak ve bir çevre ve iki makrame ve bir çubuk takımımdan ancak tahta sandığımı el-Hâc Mustafa nâm kimesneye teslîm ve eşyâ-i mezkûre zimmetinde kalmağla meblağ-ı merkūm on guruşu ile eşyâ-i mezkûreyi taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp talebiyle mezbûr İsmail gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr İsmail’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm [olundu.] Fî ( ) min-Za sene 1206.