Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 958 Hüküm no: 1645 Orijinal metin no: [138b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boyacı Mehmed’in Seyyid İbrahim b. Ömer’den devraldığı ulufe kâğıdının sahte çıkması üzerine iadesine karar verildiği Ma‘rûz Sâhib-i arzuhâl es-Seyyid İbrahim b. Ömer medîne-i Üsküdar’da mahfil-i Bâb’da meclis-i şer‘-i hatîrde arzuhâlde mezkûr Boyacı Mehmed b. İbrahim mahzarında mezbûr Mehmed bundan akdem yirmi dokuz bölük kışlasından almak üzere mutasarrıf olduğu on akçe ulûfesini bana kasr-ı yed etmek için ibtidâ ta‘bîr olunur kâğıdını bana teslîm ben dahi yirmi beş guruş ile yirmi beş guruş kıymetli bir piştovumu yedine vermişdim hâlâ zikr olunan ulûfe sahte olmağla medfû‘um olan meblağ-ı merkūm yirmi beş guruş ile mezkûr piştovu taleb ederim deyü da‘vâ ve mezbûr Mehmed cevâbında müdde‘î-i mezbûr yedinden ancak yirmi dört guruş ile piştov kabzını ikrâr lâkin kıymeti iki guruş olup ziyâde kıymeti ba‘de’l-ihbâr müdde‘î-i mezbûr ziyâde müdde‘âsını beyâna ba‘de’l-havâle mertebe-i ikrârı olan meblağ-ı merkūm yirmi dört guruşu müdde‘î-i mezbûra redd ü teslîme mezbûr Mehmed’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 21 min-R sene 1207. Temme’l-kelâm bi-tevfîkı’l-allâm Nemekahu’l-fakīru ileyhi azze şânuhû Kilizmanîzâde Mehmed Sadık El-müvellâ-hilâfeten bi-medîneti Üsküdar