Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 475 Hüküm no: 544 Orijinal metin no: [113b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Başçı el-Hâc Mahmud Vakfı’na ait el-Hâc Hüseyin tasarrufunda olan iki aded dükkanın taliplerine kiralanması Ma‘rûz. İstanbul’da Başçı el-Hâc Mahmud Vakfı’ndan olup Mahmiye-i mezbûrede Yağlıkçılar sûkunda Du‘â meydanında vâki‘ lede’l-ahâlî ve’l-cîrân ma‘lûmü’l-hudûd ve’l-müştemilât bir çukacı ve bir serpûşçu dükkânlarının nısf-ı şâyi‘lerine bi’l-icâreteyn mutasarrıfe olan Afîfe Hatun tarîk-i Hacc-ı şerîfde bilâ-veled vefât eyledikde zikrolunan iki aded dükkânların nısf-ı şâyi‘leri taraf-ı vakf-ı şerîfe âid oldukdan sonra zikrolunan dükkânlardan nısf-ı şâyi‘lerine hâlâ mutasarrıf olan el-Hâc Hüseyin ile mütevellî-i vakf-ı mezbûr el-Hâc Ahmed lede’t-terâfu‘ zikrolunan dükkânlardan nısf-ı şâyi‘leri hîn-i îcârda ecr-i mislinden noksan-ı fâhiş ile îcâr olunduğu şer‘an zâhir olmağın müste‘cir-i merkūm el-Hâc Hüseyin şer‘an lâzım gelen ecr-i mislini tekmîl etmediği sûretde müzâyede olunup ragabât-ı nâs münkatı‘a oldukdan sonra tâlibine îcâr olunmak iktizâ eder. Fermân hazret-i veliyyü’l-emrindir. Fî 23 Rebî‘ülâhir sene [1]143.