Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 479 Hüküm no: 552 Orijinal metin no: [114a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa ile İsmail’in sulh oldukları Ma‘rûz. Sâhib-i arzuhâl Mustafa meclis-i şer‘de hasmı İsmail ile derûn-ı arzuhâlde mezkûr ücret da‘vâsından muslihûn tavassutuyla kırk guruş bedel-i makbûza sulh olup husûs-ı mezkûra ve târih-i kitâba gelince beynlerinde cereyân eden ahz u i‘tâya müte‘allika âmme-i da‘vâdan her biri âharı ibrâ ve iskāt-birle kat‘-ı nizâ‘ ettikleri huzûr-ı âlîlerine i‘lâm olundu. Fermân men-lehü’l-emrindir. Fî 2 Cumâdelûlâ sene [1]143.