Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 478 Hüküm no: 551 Orijinal metin no: [114a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Barutçu esnafından vefât eden Osman’ın yerine Süleyman’ın barutçu tayini talebi Ma‘rûz. Barutçu hırfetinin kethüdâ ve yiğitbaşısı ve hırfet-i mezbûre erbâbından on beş nefer müseccelü’l-esâmî kimesneler meclis-i şer‘de kadîmden berü barutçu ustalarından biri vefât eyledikde elinde olan kârhânesi hizmetinde mevcûd bulunan pîr-perver halîfesine verilmek beynimizde de’b-i kadîm olup derûn-ı derkenârda mezkûr müteveffâ Osman’ın hîn-i vefâtına değin sâhib-i arzuhâl Süleyman pîr-perver ve kârhâne-i mezbûreye ehil halîfesi olmağla de’b-i kadîm üzere müteveffâ-i mezbûrun yerine barutçu nasb olunmak bâbında istid‘âyı inâyet ettikleri huzûr-ı âlîlerine i‘lâm olundu. Fermân hazret-i veliyyü’l-emrindir. Fî-gurreti Cumâdelûlâ sene [1]143.