Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 479 Hüküm no: 554 Orijinal metin no: [114a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Hüseyin’in Kıbtî İsmihan üzerine açtığı hırsızlık davasından vazgeçtiği Ma‘rûz. Sâhib-i arzuhâl el-Hâc Hüseyin’in hasmı İsmihan nâm Kıbtiye meclis-i şer‘de târih-i i‘lâmdan bir buçuk ay mukaddem mecmû‘u altmış bir buçuk guruş kıymetli eşyâ-i ma‘lûme-i memlûkemi gāibetü ani’l-meclis oğlumun zevcesi Hadice nâm Kıbtiye yedinden bi-gayr-ı hakkın ahz eyledi deyü tasaddî eylediği da‘vâsından fâriğa olup husûs-ı mezkûra müte‘allika âmme-i da‘vâdan her biri âharın zimmetini ibrâ-i âm ile ibrâ ve iskāt eylediği ba‘de’t-tescîl mübâşirleri Mumcu Ömer Beşe iltimâsıyla huzûr-ı âlîlerine i‘lâm olundu. Fî 3 Cumâdelûlâ sene [1]143.