Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 494 Hüküm no: 585 Orijinal metin no: [118a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nafaka davasında sulh olunduğu Ma‘rûz. Muhzır Mehmed mübâşeretiyle Mahkeme-i Bâb’a ihzâr olunan Mustafa nâm kimesnenin hasmı sâbıkā zevcesi Ümmühani Hatun meclis-i şer‘de mezbûr Mustafa’nın firâşından hâsıla ve benden mütevellide ve bi-hakkı’l-hıdâne hacr ve terbiyemde olan Hanife nâm sagīreye bâ-hüccet-i şer‘iyye yevmî dört akçe nafaka-i mefrûza-i müstedânemden yirmi sekiz ayda müctemi‘ yirmi sekiz guruş hakkım vardır deyü taleb ve da‘vâ sudûrunda iken vesâtet-i muslihîn ile meblağ-ı mezkûrdan on beş guruş bedel-i makbûza sulh olup mâ‘adâsı olan on üç guruş da‘vâsından mezbûr Mustafa’nın zimmetini ibrâ ve iskāt eylediği ba‘de’t-tescîl huzûr-ı âlîlerine i‘lâm olundu. Fî 12 Cumâdelûlâ sene [1]143.