Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 496 Hüküm no: 589 Orijinal metin no: [118b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölü olarak bulunan şahsın ölüm sebebinin keşfi Ma‘rûz. Derûn-ı arzuhâlde mezkûr hâlikin keşfi’çün Mahkeme-i Bâb’dan irsâl olunan Mevlânâ es-Seyyid Mustafa Efendi dâ‘îleri asesbaşı kethüdâsı el-Hâc Mehmed kullarıyla Yedikule kurbünde Kürkçübaşı el-Hâc Hüseyin Mahallesi’nde sâkine Kara Sâliha nâm hatunun menzilinde katîl bulunan hâlik-i mezbûrun keşif ve a‘zâsına nazar eylediğinde hâlik-i mezbûr boğazlanmış idiğini ba‘de’l-mu‘âyene lâşesini zîr-i hâke idhâle kavmine tenbîh eylediğini mahallinde tahrîr ve ma‘an irsâl olunan ümenâ-i şer‘le meclis-i şer‘a gelip âlâ-vukū‘ihî inhâ ve takrîr eylediği huzûr-ı âlîlerine i‘lâm olundu. Fî 16 Cumâdelûlâ sene [1]143.