Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 496 Hüküm no: 590 Orijinal metin no: [118b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yaralama davasında sulh olduğu Ma‘rûz. Derûn-ı i‘lâmda mezkûr Karabet mecrûhun anası ve sâbitü’l-vekâle vekîli Meyrem nâm Nasrâniye meclis-i şer‘de mezbûr Mustafa Beşe mahzarında derûn-ı i‘lâmda mezkûr da‘vâsından oğlum mezbûr merkūm Mustafa Beşe ile elli guruş bedel-i makbûza an-inkâr sulh olup cerh-i mezkûra ve mâ-yehdesü anhu müte‘allika âmme-i da‘vâdan her biri âharı ibrâ ve iskāt-birle kat‘-ı nizâ‘ ve habsden ıtlâk olunmasını iltimâs eylediği huzûr-ı âlîlerine i‘lâm olundu. Fî 17 Cumâdelûlâ sene [1]143.